Presidenti zgjidhet nga Parlamenti me mandat pesë vjeçar, me të drejtë rizgjedhjeje dy herë maksimalisht. Pasi përfundon mandati i presidencës, Parlamenti voton për të zgjedhur një President të ri. Në dy votimet e para nevojitet ⅔e votave (200 vota). Në raundin e tretë dhe atë final kërkohet 3/5 e votive të Parlamentit (180 vota). Nëse edhe raundi i tretë është i pamjaftueshëm, Parlamenti shpërbëhet dhePresidenti i fundit shpall zgjedhje të parakohshme brenda 30 ditëve. Parlamenti i ri ripërsërit menjëherë votimin për Presidentin e Republikës dhekërkohet 3/5 e votave në raundin e parë, shumicë absolute (151 vota) në raundin e dytë dhe shumicë të thjeshtë në raundin e tretë dhe final. Sistemi është dizenjuar të promovojë kandidatë presidencial konsensual ndërmjet partive politike kryesore.
Presidenti i Republikës ka tagrin të deklarojë luftë, për të dhënë amnistidhe të përmbyllë marrëveshje paqeje, aleance, dhe për pjesëmarrje në organizata ndërkombëtare. Me kërkesë të Qeverisë, një shumicë e thjeshtë parlamentare është e nevojshme për të miratuar veprime apo marrëveshje të tilla. Në raste të veçanta mund të kërkohet shumicë absolute ose 3/5 e votave (p.sh.hyrja në BE kërkon 3/5 e votave). Gjithashtu Presidenti ka nën kontroll disa fuqi të emergjencave, të cilat duhen firmosur nga Ministri përkatës.
Rishikimi i kushtetutës në vitin 1986 ngushtoi kompetenct e Presidentit. Si pasojë, Presidenti nuk mundet më të shpërbëjë Parlamentin, të pushojë Qeverinë, të pezullojë nene të Kushtetutës apo të deklarojë gjendje të jashtëzakonshme,pa firmën e Kryeministrit apo të misintrave përkatës. Për të thirrur një referendum atij i duhet miratimi i Parlamentit.
