Α) Masuala ya Kuzuia
Afya njema hutegemea hoja nyingi kama vile za urithi, umri, kiwango cha maisha, uwezo wa kiuchumi, na hoja fulani za kimazingira. Ushauri bora zaidi kwa kutunza afya njema ni kuzuia.

• Chanjo
• Ushauri wa daktari mara kwa mara
• Kujiepusha na tabia hatari (uvutaji sigara, ulevi, dawa za kulevya)
• Habari kuhusu kuzuia maradhi ya kuambukizana
• Mazoezi ya mara kwa mara
• Ulaji mzuri

Β) Mfumo wa Kitaifa wa Afya Nchini Ugiriki (ESY)
Huduma za afya nchini Ugiriki hutolewa has kupitia Mfumo wa Kitaifa wa Afya (NHS), unaojumuisha hospitali zote za umma nchini na vituo vya matibabu, pamoja na Kituo cha Kitaifa cha Msaada wa Dharura (EKAB). Mfumo wa afya nchini Ugiriki umegawanywa katika kiwango cha Msingi na cha Sekondari.

Mfumo wa kimsingi unajumuisha vituo vya afya vya kimsingi kwa ajili ya kuzuia, kutibu na kurekebisha, kama vile:

• Zahanati
• Kliniki za kuona wagonjwa wa kuja na kurudi nyumbani
• Miundo ya mashirika ya bima za afya
• vituo vya uchunguzi
• maabara ya maikrobayolojia
• Vituo vya kibinafsi

Katika hali ya dharura, piga nambari 166 ((kutoka kwa simu za mezani au za mkononi) kwa Kituo cha Kitaifa cha Msaadad wa Dharura (EKAB) na ambulensi itafika alip mgonjwa na kumpeleka katika hospitali iliyo karibu.

Katika hali isiyo ya dharura, ama katika hali ambapo unaweza kwenda kwa gari lako hadi hospitali iliyo karibu, unaweza kupata orodha hapa chini yenye maelezo ya kina ya anwani na nambari za mawasiliano za hospitali za umma nchini.

Kumbuka: Hospitali za taifa zenye kliniki za wagonjwa wa kuja na kurudi nyumbani, idara ya dharura na maduka ya dawa haziendeshwi kwa saa 24/7 kwa wagonjwa. Kwa sababu hii, katika maeneo yaliyo na hospitali au duka la dawa zaidi ya moja, zinaendeshwa katika zamu, ili wananchi wapate hospitali au duka la dawa patokeapo hali ya dharura nje ya saa za kazi na usiku.

Athari ya mgogoro wa kiuchumi kwa mfumo wa afya nchini Ugiriki ni bayana. Kwa mujibu wa gharama za huduma za afya, kwa sasa yafuatayo yatatumika:

Kumwona daktari kwa jambo dogo hakutozwi malipo yoyote. Iwapo utahitaji kuchunguzwa na/au kulazwa hosptalini, mgonjwa (iwapo ana bima) hulipa kiwango cha jumla ya gharama na shirika la umma hugharamia nyinginezo. Hali ni iyo hiyo kwa dawa.

Hii hufanya mfumo wa afya ya umma uwe bila malipo au rahisi kuliko mashirika ya kibinafsi.

Mashirika kadhaa ya kutetea haki, kama vile Mashirika yasio ya Kiserikali na juhudi za wananchi, yametumika kushinikiza mahitaji ya msingi na sekondari-huduma za kiafya kwa wasio na uwezo wa kugharamia afya, na mashirika na uendeshaji wa kliniki za jamii na maduka ya dawa, yanayotoa huduma za bure kwa wote, bila ubaguzi. Unaweza kupata orodha ya miundo kama hii hapa chini:

Miundo ya Huduma za Afya:

Hapana!

Raia wa mataifa ya tatu wanaoishi Ugiriki kihalali wana haki sawa za afya na Raia wa Ugiriki. Kinachotofautiana sio asili ya mtu, bali hali ya bima (tazama hapa chini)

➢ Ushauri! Unaweza kupata huduma za ushauri wa kisheria ili kuripoti visa kama hivi vya kubaguliwa.⁸.

Wakati wa kuandika mwongozo huu, mswada kuhusu kulinda kadi za afya za watu wasio na bima ulikuwa umewasilishwa kwa mashauriano, ili kuhakikisha kwamba watu wasio na bima yoyote wananufaika kupitia kazi zako. Kadi za afya zinatarajiwa kutolewa na Vituo vya Huduma kwa Raia (K.E.P) baada ya kuwasilisha stakabadhi muhimu.

Yafuatayo yatazingatiwa kwa makundi mbalimbali ya watu wasio na bima, kutegemea umri wao, mchango wao katika bima ya kitaifa kwa muda ambao wamefanya kazi, mahali wanapoishi, taifa lao la asili, na hali ya uhalali wao.

Watu wasio na bima kufikia mfumo wa afya.

Katika orodha ya hapo juu, unaweza kupata hospitali zinazoshughulikia matatizo ya akili pekee. Kinyume na hali nyinginezo za kiafya zinazohitaji idhini ya mgonjwa, katika visa vya akili mgonjwa anaweza kushurutishwa (kupitia amri ya mahakama au polisi), kwani mara nyingi wagonjwa huwa na pingamizi kubwa. Ukumbukee kuwa mchakato wa ‘uchunguzi wa kiakili wa kushurutishwa’, kama unavyoitwa, huwa na balaa sana kisheria na kimatibabu, na huingiliwa na mashirika huru kama vile ‘ombudsman’ ya Ugiriki:

• inakiuka kanuni kwamba hakuna mtu ananyimwa uhuru wake ila awe ameshiriki uhalifu
• inakiuka kanuni kwamba hakuna mtu anayewezwa kushurutishwa kushiriki taratibu za kiafya bila hiari
• anaepitia utaratibu huu huathirika pakubwa kimawazo.

Maswala ya kiafya, na hasa afya ya akili, hutathminiwa kwa njia tofauti katika tamaduni mbalimbali.

Katika hali ya raia wa mataifa ya tatu wenye matatizo ya akili, kuna Mipangilio ya Kiakili ya Tamaduni-Mseto inayoangazia kwa umakini swala la tofauti za kitamaduni. Unaweza kupata mojawapo wa mipangilio hii katika Hospitali ya Chuo Kikuu cha Eginitio cha Atheni (angalia anwani hapa chini).

Hospitali ya Eginitio – A’: Kliniki ya Akili ya Chuo Kikuu cha Atheni
Kliniki ya Kipekee ya Kiakili ya Wagonjwa wasiolazwa wa Tamaduni-mseto.
72-74 Vasi. Mt. Sofiasi., Atheni – P.C. 11528
Ili kuweka miadi - Tel.: 2107249805 (kila Jumanne 10.00 - 13.00)
(Kliniki ya Tamaduni-mseto) haikubali visa vya dharura).

Kituo Cha Kutwa cha BABEL kwa Afya ya Kiakili ya Wahamiaji
227b Mt. Mithimnisi (Mraba Amerikisi) P.C. 11257, Atheni
Tel. : 2108616280, 2108616266
Faksi :210 86 16 102
Barua pepe:babel@syn-eirmos.gr

Kituo cha Mshikamano katika Firourachio
2 Mt. Domokou & Mt. Filadelifia (Jengo la zamani la Firourachio), Kituo cha Larisa
Tel.: 2108210552

‘KETHEA MOZAIKI’ hutoa habari, ushauri, na usaidizi wa kiakili kwa wahamiaji waliotawaliwa na dawa za kulevya ili kuwasaidia kupata uponyaji na mtangamano wa kijamii. Pia hushughulikia mahitaji zaidi ya kijamii, kutoa huduma za afya pamoja na usaidizi kwa waliotawaliwa na dawa za kulevya kwa ushirikiano na huduma, ushauri wa kisheria, vipindi vya Kigiriki, uchunguzi wa kimatibabu, n.k. Kujumuishwa kwa huduma hizi juu ya kupunguza madhara, kutafuta matibabu, ushauri wa tamaduni-mseto na elimu, hutengeneza mandhari mazuri kwa mahitaji maalum ya wahamiaji.

‘KETHEA MOZAIKI’
Mipangilio ya ushauri katika vituo vya kuzuilia wahamiaji katika Atheni.
huduma za kupata nafuu kwa wahamiaji
Kituo cha Ushauri kwa Wahamiaji
28 Maginisias & 2 Mt. Zolioti 112 51 Atheni
Tel. 210 8256944, 210 8257164, 210 8256237
Faksi. 210 8257163

Kijitabu cha afya ya mtoto hulenga kukusaidia kufuatilia ukuaji wa mtoto wako kwa njia rahisi inayoeleweka. Hujumuisha maelezo ya kina kuhusu ukuaji wa kimwili na wa kihisia. Kwa kushauriana na daktari wako wa watoto, itakusaidia kutambua mabadiliko yoyote ya hali yake ya afya mapema.

TKijitabu cha afya ya mtoto huonyesha chanjo, magonjwa yoyote ambayo yaweza kumwathiri mtoto, na habari nyinginezo ambazo zinaweza kuongezwa na daktari anayemshughulikia mtoto wako.

Unaweza kutazama orodha ya hospitali za Mfumo wa Kitaifa wa Afya, Vituo vya Afya vya Manispaa na miundo ya afya (mashirika yasiyo ya kiserikali na mengineyo) ili kupata madaktari wa watoto watakaokusaidi kufuatilia afya ya watoto wako.