THazina za bima katika Ugiriki⁹, zinazohusiana na taaluma za kawaida kabisa miongoni mwa raia wa mataifa ya tatu ni:

1. 1. Hazina ya Taasisi ya Bima ya Kijamii kwa Waajiriwa wasaidizi (IKA-ETAM) –kwa waajiriwa wa sekta ya kibinafsi (k.v. ofisi na wafanya kazi za mkono viwandani, nyumbani, kazi za mjengo, na kadhalika.
2. 2. Hazina ya Taasisi ya Bima ya Kijamii kwa Wataalamu Kujitegemea (OAEE, iliyokuwa TEBE) – kwa wataalamu paparazzi, wanabiashara, madereva, wanasheria, kampuni na mashirika.
3. 3. Shirika la Bima ya Kilimo (OGA) – kwa wakulima na wafanyi kazi ya kilimo.

Kwa habari zaidi, unaweza kutembelea tovuti wa kila hazina ya bima:

ΙΚΑ / ΕΤΑΜ	www.ika.gr
ΟΑΕΕ (iliyokuwa TEBE)	www.oaee.gr
OGA	www.oga.gr

---

⁹:Orodha inajumuisha hazina za bima 13, 3 kati yake ni za wafanya kazi wa serikali na maafisa wa usalam, na kwa hivyo haifaidi wasio raia wa ugiriki. Orodha ni kama ifuatavyo:

1.Hazina ya Taasisi ya Bima ya Kijamii kwa Waajiriwa Wasaidizi (IKA-ETAM)
2.Shirika la bima ya kijamii kwa wataalamu paparazzi (OAEE, iliyokuwa TEBE)
3.Shirika la Bima ya Kilimo (OGA)
4.Hazina ya Bima sawazishi ya waajiriwa huru (ETAA)
5.Hazina ya Bima sawazishi ya waajiriwa wa vyombo vya habari (ETAP-MME)
6.Hazina ya bima sawazishi kwa waloajiriwa benki (ETAT)
7.Hazina ya bima sawazishi kwa waajiriwa wa mshahara (TAYTEKO)
8.Hazina ya bima ya sekta ya kibinafsi (TEAIT)
9.Hazina ya bima ya benki na waajirwa wa umma (TAYTEKO)
10.Hazina ya huduma za bima kwa waajirwa wa sekta ya umma (TEADY)*
11.ya huduma za bima na hazina ya maslahi kwa waajiriwa katika uanajeshi (TEAPASA)
12.Hazina ya Maslahi ya Sekta ya Kibinafsi (TAPIT)
13.Hazina ya Maslahi ya Waajiriwa wa Umma (TPDY)*

- Iwapo ungetaka kusajiliwa katika I.K.A.-E.T.A.M (jiandikishe katika sajili ya wanachama ya IKA) utahitaji vitu vifuatavyo:

• - Pasi halali ya kusafiir/ kitambulisho cha kitaifa, na nakala moja
• - Nambari yako ya usajili ya mlipa ushuru (TRN) na AMKA (nambari ya bima ya jamii)
• - Cheti cha kuajiriwa kutoka kwa mwajiri, akitaja siku ya kwanza ya bima katika IKA, iwapo unafanya kazi katika kampuni.
• - Kitabu cha akaunti ya benki (toa nakala ya IBAN) ambapo unaonekana kama mlengwa wa kwanza (kwa hiari)
• - Stakabadhi inayothibitisha ni wapi na ni lini ulianzisha bima katika IKA, ili utambuliwa kama ‘aliyekaa’ ama ‘mgeni’ katika bima. (Iwapo umekuwa na bima kwingineko, Hazina za Bima katika Ugiriki na Umoja wa Ulaya na Hazina fulani za mataifa ya nje ya Umoja wa Ulaya zinatambulika.

Kwa sababu una bima ya IKA unaweza kutoa kijitabu cha afya. Kijitabu cha afya cha kibinafsi ndicho kitambulisho cha faida za bima na hela kwa aliyekatiwa bima. Kijitabu cha afya cha familia hutolewa kwa watu wa familia yako.

https://www.ika.gr/gr/infopages/asf/insurance/bibhygine.cfm

Stakabadhi ambatani zinazohitajika katika usajili kwa Shirika la Bima ya Kijamii ya Wataalam Kujitegemea (OAEE) hubadilika kutegemea taaluma ya mtu. Unaweza kupata maelezo ya kina katika tovuti http://www.oaee.gr/asfalish.asp?catasf_id=189&banner_pgc=11.

Maagizo ya Kijumla kwa stakabadhi ambatani:

• Pasi halali ya kusafiria /kitambulisho cha kitaifa na nakala zao
• Kibali cha makazi na kibali cha kazi na nakala zao
• Stakabadhi inayoonyesha kiti sajiliwa katika kampuni: hasa yenye data ya kupangisha makazi unayoweza kuchapisha kupitia TAXISNET, fomu 1 ya kupangisha kutoka kwa mwenye majengo, na moja ya makubaliano kutoka kwako. Madereva watapaswa kutoa stakabadhi ambatani za magari yao badala ya makazi.
• Ada ya usajili (hutofautiana kutegemea taaluma; mwaka 2015 ilikuwa yuro 110 (kiwango cha wastani).
• Deta inayokadiria iwapo mwenye bima ‘amekaakaa’ au ni ‘mgeni’.
• Kodi ya Mapato Taarifa ya Tathmini ya mtu moja kwa moja bima na familia au ushahidi mwingine wowote kuthibitisha kwamba mahitaji ya cohabitation ni alikutana.
a) Nakala za stakabadhi kuonyesha muda wa bima na mashirika mengine ya Ugiriki, au cheti kutoka shirika la serikali la Umoja wa Ulaya au nchi ambayo imetia sahihi Mkataba baina yake na serikali. ¹⁰.

Kisha lazima utume ombi – fomu ya usajili (unaweza kuipata katika tawi la OAEE) ambayo utawasilisha pamoja na stakabadhi zilizotajwa hapo juu.

Tafadhali fahamu kwamba:

a) Wataalamu wa Kujitegemea huulizwa wajilipie michango yao (kinyume na IKA), ambayo huongezeka kutegemea uzoevu wao kitaaluma.
b) Wataalamu wa Kujitegemea lazima waweke wazi maeneo yao ya biashara kwa tawi lililo karibu la OAEE.
c) Wataalamu wa Kujitegemea na biashara zao wafaa kutunza vitabu vya mapato na matumizi, na pia kutoa risiti kwa huduma wanazotoa, zikiwa na muhuri wenye maelezo yote ya kibiashara.
d) Kabla ya kufanya kazi za kitaaluma kihalali, lazima kujiandikisha na “mwanzo wa mazoezi ya kitaaluma” kwa Huduma ya Umma ya Fedha (DOY), na kujaza fomu husika na kutuma stakabadhi ambatani ulizopata kutoka kwa OAEE wakati wa kusajiliwa kwako.

---

¹⁰:Iwapo vyeti kama hivyo havitapatikana, unaweza tuma kadi ya bima ya kijamii, ikionyesha nambari ya usajili ya shirika la kigeni na tamko la dhati kulingana na L.1599/86 ikitaja nchi, shirika la bima ya kijamii, muda wa bima, na stakabadhi muhimu zitumwe kwa wakati unaofaa.

Kwa wale walio na haki ya kupata bima kutoka OAEE na kijitabu cha afya, masharti ni sawa na Kijitabu cha Kibinafsi na cha Familia cha IKA. Stakabadhi ambatani:

Stakabadhi ambatani zinazohitajika kwa usajili katika OGA kama mtu aliyejiajiri (unapewa bima kwa kujiwajibikia na Tawi Kuu la Bima la OGA ¹¹) na ujilipie michango ya bima:

1) Maombi – Fomu ya usajili (unaweza kuijaza katika tawi la OGA)

2)Tmako la dhati kwa fomu maalumu ya OGA, uitie sahihi, na kuthibitishwa (na mamlaka ya OGA ama mamlaka nyingine kisheria).

3) Nakala iliyothibitishwa pande zote mbili ya Kitambulisho au pasi ya usafiri.

4) Nakala iliyothibitishwa ya kibali cha makazi, kiwe halali, au iwapo muda wake umeisha, nakala yake na ile ya aina ya A ikitaja kwamba stakabadhi ambatani zimewasilishwa tayari kufanywa upya.

Iwapo umeajiriwa katika kilimo cha ardhi ya familia, unaweza pia kuwasilisha:

5) Stakabadhi ambatani (kando na fomu ya maombi na kitambulisho) kwa kiongozi wa shughuli za kilimo (mwenzi wa ndoa, mzazi, au mtoto).

6) Cheti cha Hali ya Familia ya anayetuma ombi.

Unaweza kutembelea tovuti kwa maelezo ya kina kuhusu maswala ya shirika hilo :http://www.oga.gr/

---

¹¹:Tangu 2010, erigosimo (tikiti ya malipo) ilianzishwa kama njia mpya ya malipo wka wafanyakazi wa shambani na malipo ya michango yao (L.3863/2010). Badala ya mwajiri kutoa pesa taslimu sawia na malipo, anampa mwajiriwa erigosmo yenye dhamani sawa na malipo. Mwajiriwa anaweza kuwasilisha erigosimo (katika Posta au benki ya Helenika) baada ya OGA kushikilia michango tosha ya bima (10%). Muda wa bima na uwezo wa bima (tazama hapa chini) kwa waajiriwa wote huhesabiwa kwa misingi ya malipo yao kutoka kwa ERIGOSIMO.

Nchini Ugiriki, kila mwajiriwa ana haki fulani kama ilivyo kote katika Umoja wa Ulaya

• Afya na usalama kazini: haki za kijumla na masharti, mahali pa kazi, vifaa vya kazi, hatari fulani, wafanyikazi wanaonyanyasika
• Nafasi sawa kwa waume kwa wake: kuchukuliwa sawa kazini, uja uzito, likizo ya kujifungua, likizo ya uzazi
• Kulindwa dhidi ya ubaguzi kwa misingi ya jinsia, rangi, dini, umri, ulemavu, mielekeo ya kimapenzi
• sheria ya leba: kazi isiyo ya kudumu, kandarasi zisizoongezwa muda, saa za kufanya kazi, kuajiriwa kwa vijana na mashauriano na waajiri

Kila taifa la Umoja wa Ulaya lazima lihakikishe sheria zake za kitaifa zinalinda sheria za Umoja wa Ulaya. Taifa la Ugiriki limehukumiwa mara kadhaa kwa kukiuka ama kushindwa kulinda haki za kazi.

http://ec.europa.eu/social/main.jsp?catId=82&langId=el

Mfumo wa bima ya kijamii nchini Ugiriki ni mojawapo ya mbinu za kusambaza mapato na mshikamano wa kijamii miongoni mwa walioajiriwa katika taasisi, wasio na ajira, wazee, na wenye kuhitaji ulinzi wa kijamii. Kazi za kimsingi za mashirika ya bima ni:

• utoaji wa pensheni kwa wale wasioweza kufanya kazi (kwa sababu ya kuzeeka au afya/ulemavu)
• Kugharamia mahitaji ya dharura (kifedha au kimatibabu) katika hali ya kuzaa, kuugua, kukosa ajira, ajali, au hali kama hizo.
• Nyongeza ya marupurupu (k.m katika pensheni, marupurupu za elimu ya watoto) kwa wale ambao wana haki ya kuzipata (baadhi ya fedha tu).

Fedha za bima ya kijamii hutolewa katika bajeti ya serikali na michango ya waajiri na waajiriwa. Michango hiyo ni ya lazima, hata iwe mwajiriwa ana mpango wa bima na shirika lingine (la kigeni ama la kibinafsi).

Ili kujua iwapo umewekewa bima au la (kuangalia uwezo wako wa bima, unaweza kutumia jukwaa la tovuti), tazama hapa chini. Unaweza pia kutembelea tawi la shirika la bima unakosajiliwa, japo wanashauri matumizi ya huduma za kieletroniki ili kuzuia misongamano katika matawi yao, na wewe kubaguliwa kwa vyovyote na mfanyikazi wao.

Mfumo wa ‘ATLAS’ hukusanya habari za watu wote wenye bima (tawasifu ya bima) kutoka kwa mashirika ya bima na zinaweza kupatikana katika tovuti https://www.atlas.gov.gr. Kwa upande wa OGA, uanweza kupata habari sahihi zaidi kwa kutembelea tawi lao katika eneo ulikosajiliwa. Kwa upande wa IKA na OAEE, unaweza kurejelea majukwaa ya kielektroniki tovuti kupitia anwani hizi:

• IKA/ETAM.: https://apps.ika.gr/eInsEligibility/
• OAEE (awali ikiwa TEBE): https://www.idika.org.gr/OAEE-OFEILETES/

*Tafadhali kumbuka kuwa: Ili kutumia huduma za tovuti, utahitajika kwanza kuwa na akaunti yako ya kibinafsi katika ‘taxisnet’ upate ‘jina la mtumiaji’ na ‘nenosiri’

Katika muktadha wa mabadiliko ya karibuni katika utenda kazi wa mfumo wa bima ya kijamii, kila hazina ya bima inawajibika kwa pensheni za walio na bima, lakini huduma za afya za hazina nyingi ziliunganishwa katika Shirika la Kitaifa la Utoaji Huduma za Afya (EOPYY).

EOPYY hushirikiana na muungano wa vituo vya afya kote nchini na muungano wa madaktari mahsusi katika huduma za afya ya msingi (angalia sura kuhusu ‘afya) Kuhusu maswala ya afya ya sekondari (hospitali), walio na bima sharti waonyeshe kijitabu cha afya wakati wa kulazwa hospitalini, ambacho hutolewa na kuapudetiwa na kila shirika la bima kwa niaba yao na familia yao.

Inategemea! Kila hazina ya bima ina masharti yake. Pensheni hutolewa kwa sababu ya uzee, kifo cha mwenzi wa ndoa, au ulemavu. Wale ambao wamekamilisha kiwango fulani cha siku za kufanya kazi (stempu za bima) na kufikia kiwango fulani cha umri, wanaweza kupata malipo ya uzeeni. Vikwazo vya miaka hutofautiana kati ya wanaume na wanawake, na siku za bima hutofautiana kutegemea kazi unayofanya.

Makundi maalum ya kazi ni yaliyoorodheshwa kama nzito na yenye madhara ya kiafya (kama vile wafanyakazi wa mjengo, waajiriwa wa melini, n.k), ambapo waajiriwa hustaafu mapema. Orodha husika ya hizi kazi hurudiwa mara kwa mara, na ni vyema kwako kuwasiliana na hazina yako ya bima kupata ushauri zaidi.

Shirika linalopokea malalamishi kuhusu ukiukwaji wa haki za kazi ni Askari Wakaguzi wa Leba (SEPE) chini ya Wizara ya Leba, Bima ya Jamii na Maslahi. Ofisi zake ziko Atheni (10 Mt. Agisilaou, P.C. 10437, Tel. 2105289281), lakini unaweza kupata matawi yake kote nchini.
Unaweza kupata orodha kamili ya anwani na maelezo ya mawasiliano ya SEPE katika tovuti ¹².

TMashirika yanayotoa huduma za ushauri wa kisheria kuhusu masuala ya kazi ni:

• “ombudsman’ ya Ugiriki
  www.synigoros.gr, 5 Mt. Chzigianni Mexi, Atheni, Tel.: 2107289703
• Kituo cha Habari kwa Walioajiriwa na Wasio na Ajira, cha Shirikisho la Wafanyakazi wa Ugiriki
  http://www.kepea.gr/, 3 Mt. Enianosi & 69 Mt. Patisioni., Atheni, Tel.: 2108202100 & 2108202174

Huduma za ushauri wa kisheria hutolewa bila malipo na mashirika kadhaa yasiyo ya kiserikali, taasisi na juhudi nyinginezo kote nchini Ugiriki, orodha ambayo unaweza kupata mwishoni mwa huu mwongozo.

---

¹²:Anwani za Askari Wakaguzi wa Leba: http://www.ypakp.gr/uploads/docs/4623.pdf

Hapana!

• Malipo yanayotumwa kwa hazina ya bima hulengwa kugharamia matibabu na dawa katika hali ya maradhi au uchunguzi wa kuzuia magonjwa kwa wale wenye bima ya moja kwa moja na kwa familia zao (bima isiyo ya moja kwa moja).
• Katika hali ya kutokuwa na ajira, Shirika la Kuwezesha Ajira (OAED) hutoa kipindi fulani cha muda manufaa ya kutokuwa na kazi na bima ya afay kama itakavyothibitishwa na siku ulizofanya kazi (stempu za bima uliyolipia).
• - Mwajiriwa akifisha umri ambapo hawezi au hataka tena kufanya kazi na amemaliza siku anazostahili kufanya kazi (ama stempu za bima) anaweza kustaafu.
• cheti cha kibali cha bima huhusishwa na utoaji au ufanyaji upay wa vibali vya makazi.
• - Kazi isiyo na bima inaweza kushtakiwa kisheria.

Hapana, labda iwe umewasiliana na tawi lenye mamlaka kuwasilisha malalamishi yako, (Tangazo la kutokubaliana kuhus deta ya bima – Malalamishi). ‘Ombudsman’ ya Ugiriki, ikiwajibika kudhibiti hazina zote za bima, yaweza kuingilia tu ikiwa IKA itachelewa kuchunguza malalamishi yako ama iwe imefanya uamuzi unaouchukulia kuwa kinyume cha sheria.