موسم

یونان کا موسم دھیمی اور بارش والی سردی اور خشک اور کوسی گرمیوں کے ساتھ غالب طور پر بحیرہ روم کے زیر اثر ہے۔ ملک کا موسم چار اہم اقسام میں تقسیم کیا جا سکتا ہے:

• گیلا بحیرہ روم (مغربی یونان مغربی پیلوپونیز نیم پہاڑی علاقے اور ایپیرس کے ذیلی ملک)
• خشک بحیرہ روم (سائیکلیڈز کریٹن ساحلی کنارہ ڈوڈیکانیز مشرقی پیلوپونیز ایٹیکا مشرقی وسطی یونان کی ذیلی ملک)
• براعظم کا (مغربی میسیڈونیا کانٹینینٹل یونان کی اندرونی اونچی زمینیں شمالی ایوروس)
• ایلپائن (شمالی یونان کے پہاڑی علاقے جن کی سطح سے بلندی 1500 میٹر سے زیادہ ہے وسطی یونان میں 1800 میٹر سے زیادہ اور کریٹ میں 2000 میٹر سے زیادہ ہے۔)

ساحلی علاقوں میں درجہ حرارت کم ہی بے قابو ہوتے ہیں۔ درجہ حرارت کی سب سے وسیع رینج اندرونی ملفوف شدہ میدانوں اور ملک کی بلند سرزمینوں پر دیکھی جاتی ہے، روزانہ اور سالانہ طور پر۔ پہاڑوں پر ستمبر کے آخر سے برف باری عام ہے (شمالی یونان میں، اکتوبر کے آخر میں باقی ملک میں عمومی طور پر)، جبکہ ذیلی علاقوں میں برف باری عموماً دسمبر سے مارچ کے درمیان تک ہوتی ہے بحرحال فلورینا میں مئی تک میں برف باری ہوچکی ہے۔ جزائر کے ساحلی علاقوں میں برف باری بہت کم ہوتی ہے اور یہ موسم کی اہم خصوصیت نہیں ہے۔ گرمی کی لہریں خصوصی طور پر ذیلی علاقوں پر اثرانداز ہوتی ہیں اور جولائی اور اگست میں زیادہ چلتی ہیں۔ بحرحال ان کا دورانیہ 3 دن سے اوپر بہت کم جاتا ہے۔

موسم کے اعتبار سے سال کو 2 ادوار میں تقسیم کیا جا سکتا ہے: سردی اور بارشوں کا دور جو اکتوبر کی بیچ سے مارچ کے اختتام تک چلتا ہے اور گرم اور خشک دور جو اپریل سے اکتوبر تک چلتا ہے۔

پہلے دور میں جنوری اور فروری کے مہینے سب سے سرد ہوتے ہیں جہاں ساحلی علاقوں میں درجہ حرارت اوسطاً 5 سے 10 ڈگری سینٹی گریڈ ہوتا ہے، کانٹینینٹل علاقوں میں 0 سے 5 ڈگری سینٹی گریڈ اور شمالی علاقوں میں 0 ڈگری سینٹی گریڈ سے نیچے۔

سردیوں میں بھی بارش زیادہ دن نہں چلتی اور آسمان پوری سردیوں میں ابر آلود نہیں رہتا دنیا کے دوسرے خطوں کی طرح۔ خراب موسم کے دوران کبھی کبھی جنوری اور فروری کے شروع کے 15 دنوں میں گرم دن آ جاتے ہیں جو "Halcyon Days" کے نام سے جانے جاتے ہیں۔ اسلیے اس دورانئے میں خصوصی طور پر ملک کے جنوبی حصوں جیسے کریٹ میں درجہ حرارت 18-20 ڈگری سینٹی گریڈ سے اوپر جا سکتا ہے، 12-14 ڈگری سینٹی گریڈ ایٹیکا مین اور 9 یا 10 ڈگری سینٹی گریڈ تھیسالونیکی میں جیسے الیگزینڈروئیپولی میں “ Halcyon DAYS” درجہ حرارت 7-8 ڈگری سینٹی گریڈ سے زیادہ ہوجا تا ہے جسے سے سردیوں میں پڑی برف پگھلنے لگتی ہے۔

شمالی اور مشرقی یونان کے مقابلے میں ایگین اور آئیونین سمنرر میں سردی دھیمی پوتی ہے۔ گرم اور خشک دور میں موسم محکم ہوتا ہے، آسمان صاف، سورج چمکدار اور بارش کبھی کبھی گرج برس کے ساتھ ہوتی ہے جو زیادہ دیر نہیں چلتی۔

گرم ترین عرصہ جولائی کے آخری دس دن اور اگست کے اوائلی دس دن ہے جب زیادہ سے زیادہ درجہ حرارت کی رینج 30 سے 35 ڈگری سینٹی گریڈ ہوتی ہے۔ گرم موسم کے دوران ملک کے ساحلی علاقوں میں زیادہ درجہ حرارت کو سمندر کی ٹھنڈی ہوائیں اور ایگین میں شمال کی جانب سے چلتی ہوئی ہوائیں (سالانہ) جو خصوصی طور پر ایگین میں چلتی ہیں اعتدال میں لاتی ہیں۔

بہار کا دورانیہ کم ہوتا ہے کیونکہ سردی بے شک دیر سے آئے مگر گرمیاں جلد شروع ہوجاتی ہیں۔ خزاں لمبی اور گرم ہے اور کبھی کبھی جنوبی یونان اور جزائر میں دسمبر کے بیچ تک چلتی ہے۔ ایتھنز، دارلخلافہ میں ٹھنڈا موسم عموماً نومبر کے بعد سے قابل توجہ ہوتا ہے اور وہاں سے پھر یہ مارچ کے آخر تک چلتا ہے۔ دسمبر کے درمیان سے شہری علاقوں میں موسم ٹھنڈا ہو جاتا ہے جو فروری کے آخر تک چلتا ہے۔ مارچ کے اوائلی دنوں میں بہار قابل توجہ ہو جاتی ہے اور درجہ حرارت تدریجاً بڑھنے لگتا ہے۔ ایتھنز میں سب سے سرد ترین وقت دسمبر کے آخری ہفتے سے لے کر جنوری کے تیسرے ہفتے تک تصور کیا جاتا ہے۔ بالخصوص ایتھنز میں ان تک ریکارڈ کیا جانے والا سب سے کم ترین درجہ حرارت -17.1 ڈگری سینٹی گریڈ ہے جو 28 دسمبر 1938 میں ریکارڈ کیا گیا جبکہ ملک میں دیکھا گیا سب سے کم درجہ حرارت -30 ڈگری سینٹی گریڈ ہے۔ -28 ڈگری سینٹی گریڈ (کیٹو نیوروکوپی) اور -27 ڈگری سینٹی گریڈ (ٹولیمائیڈا) بھی ریکارڈ کئے جا چکے ہیں۔ یونان 48.0 ڈگری کے ساتھ یورپ کے سب سے زیادہ درجہ حرارت کا ریکارڈ بھی رکھتا ہے جو ایتھنز میں 10 جولائی 1977 میں ریکارڈ کیا گیا – بلکہ ذرائع کی جانب سے رپورٹ ہے کہ تھرمامیٹر 48.7 ڈگری پر پہنچا۔ یہ درجہ حرارت ایلیفسینا کے شہر میں 10 جولائی 1977 کو ریکارڈ کیا گیا۔ فہرست میں دوسرے زیادہ درجہ حرارت یہ ہیں نیو فلیڈیلفیا (میونسپلٹی آف ایتھنز) میں 26/6/2007 اور آئیلیوم اور ایٹیکا میں 26/6/2007 کو 47.5 ڈگری سینٹی گریڈ ریکارڈ کیا گیا۔