Rais huchaguliwa na Bunge kwa kipindi cha miaka mitano, na huhudumu kwa muda usiozidi mihula miwili. Muhula wa Rais unapokamilika, Bunge hupiga kura ya kumchagua Rais mpya. Katika upigaji kura mara mbili wa kwanza, wingi wa theluthi mbili (2/3) ya kura (kura 200) unahitajika. Katika awamu ya tatu nay a mwisho, humusi tatu (3/5) za jumla ya Wabunge (kura 180) huhitajika. Kura ya awamu ya tatu isipofaulu, Bunge linavunjwa na Rais wa mwisho anatangaza chaguzi mpya bungeni kwa muda usiozidi siku 30. Bunge jipya hurudia uchaguzi wa Rais wa Jamhuri mara moja, na jumla ya 3/5 ya kura zote huhitajika katika awamu ya kwanza, na wabunge wengi zaidi (151) katika awamu ya pili, na wingi kidogo tu katika awamu ya tatu na ya mwisho. Mfumo huo umeundwa ili kukuza makubaliano ya wagombea Urais miongoni mwa vyama vikuu vya kisiasa.
Rais wa Jamhuri ana uwezo wa kutangaza vita, kutoa msamaha, na kuhitimisha makubaliano ya amani, muungano, na kushiriki katika mashirika ya kimataifa. Kufuatia ombi la Serikali, wingi kidogo tu wa wabunge unahitajika ili kuidhinisha hatua ama mikataba kama hiyo. Katika hali maalum, walio wengi kabisa ama humusi tatu (3/5) watahitajika (kama vile kuingia katika Jumuiya ya Ulaya kunahitaj walio wengi). Rais pia ana uhuru wa mamlaka ya dharura, ambayo lazima yatiwe sahihi na Waziri husika.
Marekebisho ya Katiba mwaka 1986 yaliwekea vikwazo mamlaka ya Rais. Kwa hivyo, Rais hawezi tena kulivunja Bunge, Kumfukuza mtu serikalini, kuahirisha makala ya Katiba, au kutangaza hali ya hatari, bila ya kutiwa kwa sahihi husika na Waziri Mkuu au Waziri husika. Ili kuitisha kura ya maoni, atahitaji idhini ya Bunge.
